CCB Jungi Garde

CCB Jungi Garde

Übersicht

Fasnacht
Fasnacht 2018
Fasnacht 2017
Fasnacht 2016
Fasnacht 2015
Fasnacht 2014
Fasnacht 2013

CCB Central Club Basel
• Stammverein 1911
• Junge Garde 1934
• Alte Garde 1964

www.ccb1911.ch

Willkommen
INDEX
CCB Jungi Garde



Fasnacht 2018 - CCB Jungi Garde
Sujet: Elefantastischs Bebbifantehuus


Fasnacht 2018
Basler Fasnachtsclique Jungi Garde



CCB - Jungi Garde 1934

Sujet: Elefantastischs Bebbifantehuus


Mir verzelle d Gschicht vo dr Nacht im Zolli

Fante dien gärn uff ihr "E" do verzichte,
so kann ich bitz aifacher über si brichte.
Mit Ee-le-fant ischs nit so praktisch zum Dichte,
drum duets jetz im Zolli dr "Fant" für mich richte!
Doch ärnscht jetz, dr Zolli verzellt uns e Gschicht,
die git uns e Blick uss ganz anderer Sicht!

"Nachts im Zolli "

Sisch z Oobe am Sächsi - dr Zolli schliesst d Tüüre -
und Gstalte, die kömme vo tief unde füüre.


Ganz Graui und Schwarzi mit rächt groosse Oore,
das sinn kaini Fante, die wäre verloore!
Die Gstalte sinn klai und si singe e Gsang,
do wurds däne Fante grad Angscht und bitz Bang!
Die Gstalte hänn Schwänz und ganz kurzi Bai,
si renne im zigg-zagg und sitze uff Stai!
Es sinn kaini Müüs, au wenn mes könnt schliesse,
uss Bilder im Kopf, vo so Klaine ganz siesse.
Am Daag sehsch si nit, do schloofe si fescht.
Die andere Tier, die wüsse dasch s Bescht!
Langsam verstoosch, dass soone Wält
im Ticket vom Zolli nit drinn isch für Gäld!!!
Drum nimm dr bitz Zit und loos unsre Bricht
E "Nacht im Zolli"... e spannendi Gschicht!

Ganz hinde im Fante-Huus foots jewiils aa.
S isch nonig lang här, und mir dängge s liggt draa,
bim Baue hets sittlig, uss Richtig vom Haag,
e Achs liicht verschoobe, knapp mitts uss dr Laag.
Syt däm liggt e Stai uss Ägypte halb offe
und wird so bim Vollmond vo Mondstraale troffe!

Syt daas eso isch, gits ebe so Gstalte,
die dien sich im Zolli im Dunggle uffhalte.


Inzwüsche do wüsse mr - Niemmerts isch baff -
kai Storch, nit dr Leu, und bestimmt au kai Aff.
Das Ghaimnis vom Zolli zer Nacht isch jetz Neu -
s Naashorn das freuts - und ganz bsunders dr Leu.
Dä kaa nämmlig uuse - är fühlt sich viiiiel wilder -
goot Richtig Flamingos, luegt gar nümm uff d Schilder,
denn Raase beträtte darf z Nacht au e Kaine!
Doch bstimmt nimmt e Kaine dä Leu no an d Laine.

Und Mitte im Zolli seehsch ebe die Gstalte,
die dien sich bi Strücher näbscht Gitter uffhalte...


Im Zolli sinn z Nacht jetz die Gitter voll offe
und Alli wo könne, sinn drumm ummegloffe.
Anderi könne nit laufe, si fliege,
si krieche, si schlängle, de kasch si nit kriege!
D Fante im Fante-Huus, mergges grad nit,
s isch alles wie sunscht, me bekunnt no nüt mit.
Dr Gepard foot aa, vor em Felse sich z dugge.
Jo klaar, denn är het jo die Fante im Rugge.
Vom Felse ewäg goot är furt Richtig Üüle
verbii unterwägs bi de Wölf, wo dien hüüle.

Je spöter die Nacht wird, je mee gits Bewegig.
Usser die Gstalte, die zaige kai Reegig.


Si laufe nümm zigg-zagg und luege grad gspannt,
wie alles zum Gheeg uss kunnt, usser bim Fant!
Dä häts doch im Chaos jetz ändlig begriffe
und het im Neu-Huus dr ganz Räscht zämme pfiffe.
Inzwüsche sehsch Affe uff Kängurus springe,
Pinguin und Vöögel im Chor zämme singe.
E Zebra und s Naashorn, die mache e Schwumm,
im Becki vom Seeleu, dasch tiefer dört - drumm!
Giraffe, Esel und Gnuus, s isch dr Hammer,
hänn frieh scho e Kater und seelisch e Gjammer.

Die Gstalte - die Graue - die sinn immer stiller,
und färn liest dr Fuchs e glai Värsli vom Schiller!


Im Fante-Huus rieft me zum grosse Kongräss,
e Mischig uss Party, mit Bühni und Mäss.
Erwartet wird schliesslig, dass Alli mien goo
und Alli, wo könne sinn drum dört au koo.
Nit koo bi de Fanta sinn d Gstalte, die Graue.
Hoch oobe am Himmel kippts Liecht bald ins Blaue.

Ganz langsam do seht me jetz d Gstalte bitz gnauer
e sältsame Aablick, es macht is nit schlauer!


Ganz druurig, so luege si Alli uns aa,
nie kasch si vergässe - d Erinnrig do draa!
Und kuum wirds no heller, do sinn si verschwunde
und Niemmerts bis jetz het am Daag si je gfunde.
Im Zolli ischs ruhig. S Liecht dimmt und wird dimmer
und alles isch so wie au sunscht, so wie immer!
Im Huus, do sinn d Fante grad fertig mit pfuuse,
stöön uff, dien sich wäsche und kömme denn uuse.

Und das isch die Gschicht wo haisst "Nachts im Zolli"
Du dänggsch, die isch luschtig, das isch soone e Tolli.
Doch dängg dra, die Gstalte, die sinn irgendwoo...
saag nie me, du haigsch grad kai Aanig drvoo!



CCB Jungi Garde Fasnacht 2018 Ladäärne

CCB Jungi Garde Fasnacht 2018 Ladäärne

CCB Jungi Garde Fasnacht 2018 Vordrab

CCB Jungi Garde Fasnacht 2018 Vordrab

CCB Jungi Garde Fasnacht 2018 Pfyffer

CCB Jungi Garde Fasnacht 2018 Damboure


Keine Einträge