CCB Jungi Garde

CCB Jungi Garde

Übersicht

Fasnacht
Fasnacht 2017
Fasnacht 2016
Fasnacht 2015
Fasnacht 2014
Fasnacht 2013

CCB Central Club Basel
• Stammverein 1911
• Junge Garde 1934
• Alte Garde 1964

www.ccb1911.ch

Willkommen
INDEX
CCB Jungi Garde



Fasnacht 2017 - CCB Jungi Garde
Sujet: Dradizioon 2.0


Fasnacht 2017
Basler Fasnachtsclique Jungi Garde



CCB - Jungi Garde 1934

Sujet: Dradizioon 2.0
CCB - Cow Come-Back!


Dr Schällen-Ursli in Basel:
e Neufassig mit Original-Zitat!


"Hoch in den Bergen, weit von hier
da wohnt ein Büblein - so wie ihr."


So heissts bim Schällenurs in dr Gschicht.
Das Ganz isch geschriebe wiene Gedicht.

"In diesem Dörfchen, arm und klein
ganz unten steht sein Haus allein."


Hüt wär das soo, do wär denn dä Glai
am Heubärg, und nit in dr Dalbe dehai...
Si Haim wär e Stadthuus mit 1-2 Zimmer.
E Kuchi, e Bad und e Heizig hätts immer.

"Der Ursli hilft dem Vater recht
und dient ihm wie ein kleiner Knecht"


Uff baseldytsch sitzt dr Ursli am Tisch
und motzt heftig umme - wies halt so isch.
Är losst sich verwöhne und hett sini Mieh,
so uuse z goo am Morge soo frieh.

"Ruft dann die Mutter nach dem Kind
so kommt der Ursli ganz geschwind"


Ich wurd moll sage, das wär als Idee -
e Wunsch vo dr Mueter - e Traum - und nid mee!

"Heut geht Urs eine Glocke borgen
zum Fest des Glockenumzugs morgen.
Er möchte eine Grosse haben
drum geht er mit den grossen Knaben."


Und die won är het, die isch ihm vyl z glai,
e grösseri hett är drum nonig dehai.
Statt Glogge gits in Basel Drummle.
Am Cortège kasch dur d Freie bummle.
Als Binggis nimmsch scho wie die Grosse,
die ächti Drummle mit uff d Stroosse.

"Er denkt und denkt in sich hinein
da fällt das Maiensäss ihm ein.
So macht er schnell sich auf den Weg
und fürchtet weder Wald noch Steg."


Vom Aubärg, Kohlebärg uff dr Höchi
und Stainebärg, Klosterbärg in dr Nöchi
goot är zum Klingelbärg ääne am Rhy
am Münsterbärg, Schlüsselbärg unde verbii.
Zum Noodlebärg goot är denn wieder uff d Brugg
und goot via Gämsbärg, Haasebärg zrugg.
Bim Gärber-/Mühlebärg Egge e Halt,
seht är dr Lindebärg vorne scho bald.
Am Brunne, däm dört am Theaterbärg,
lauft är denn links richtig Stapfelbärg.
Dr Spaalebärg uffe zum Petersbärg füüre,
do stoot är uffsmoll vor verschlossene Düüre.

"Hier angelangt nach schwerem Lauf
bringt er die Tür erst gar nicht auf"


"Die Füchslein, Hasen, Gems und Reh
stapfen frierend durch den Schnee."


Fuchs und Haase bi uns im Schnee!
Mir schiint das hänn mr lang nümm gseh.
Gäms und Reh wär au no glatt,
mitz in de Gasse vo unserer Stadt.

"Es sucht nach ihm das ganze Ort
es ist und bleibt der Ursli fort.
Die armen Eltern ganz verstört
sind ohne Ursli heimgekehrt.
Die Mutter weint. Es tickt die Uhr.
Wo steckt ihr lieber Ursli nur?"


Hüt nimmsch s Handy und scho gli
weisch, dr Ursli stoot am Rhy.
Kai Mueter hült und isch verstört,
wenn si mol vom Kind nüt hört.
Kinder sinn rächt guet bewacht
und könne uuse in dr Nacht.

"Er nimmt die Glocke: schnell ade!
Bergab gehts auf dem harten Schnee."


Är goot wieder furt, schliesst hinter sich d Düüre,
Spaalebärg uffe und Petersbärg füüre.
Är kunnt denn vo hinde an Stapfelbärg aane
und duet sich dr Wäg zum Theaterbärg baane.
Dr Lindebärg seht är au das moll scho bald.
Am Gärber-/Mühlebärg wieder e Halt.
Vo Gämsbärg, Haasebärg goot är zur Brugg
und losst dr Noodlebärg hinter sich zrugg.
Lauft denn vom Klingelbärg ääne am Rhy
bim Schlüsselbärg, Münsterbärg unde verbii.
Bim Stainebärg, Klosterbärg goot är uff d Höchi.
Aubärg und Kohlebärg sinn in dr Nöchi.
So findet är denn au scho gli wieder zrugg -
dä Glai schiint bitz schwierig, loot sicher nie lugg.

"Nun ist der Glockenumzug da
und wer geht vorne dran. Hurra!
Der kleine Ursli, bim bam bum,
der hat die grösste Glocke um!"


Liebi Lüt, das ischs Gedicht
vom Schällenurs - e alti Gschicht.
Es isch e hailloos haili Wält,
kai Therapeut schafft döört für Gäld!
Die Sach isch simpel - ich mach e Wett -
mit däne Problem kasch zoobe ins Bett.


CCB Jungi Garde Fasnacht 2017 Ladäärne

CCB Jungi Garde Fasnacht 2017 Ladäärne

CCB Jungi Garde Fasnacht 2017 Vordrab

CCB Jungi Garde Fasnacht 2017 Vordrab

CCB Jungi Garde Fasnacht 2017 Pfyffer

CCB Jungi Garde Fasnacht 2017 Damboure


Keine Einträge